La sonda è en il territori da skis da Flem-Laax-Falera ina dunna sa disgraziada sper la pista. Ella è vegnida salvada cun agid da la gondla, uschia communitgescha la Rega.
Duas dunnas giuvnas eran sin via a pè sut la staziun intermediara da Scansinas. Ellas èn glischnadas or ed èn crudadas sur ina paraid-crap 15 meters en la profunditad. Ina dunna ha blessuras levas e tschella mezgrevas. Pervia da la mancanza da naiv n'han ins betg pudì salvar ella cun la schlieusa ed era il helicopter da la Rega n'ha betg pudì sgular pervia da la tschajera grossa.
Cun agid d'ina schirella a la gondla
Cunquai ch'il lieu da l'accident era direct sut la gondla han las equipas da salvament pudì salvar la dunna blessada cun ina schirella ch'i avevan montà vid la gondla. Suenter è ella vegnida transportà a val ed en l'ospital.
