Siglir tar il cuntegn

Header

Visualisaziun dal engrondiment dal bogn da wellness e da divertiment Sedrun.
Legenda: Visualisaziun dal engrondiment dal bogn da wellness e da divertiment Sedrun. Vischnanca Tujetsch
cuntegn

Relevant per il sistem 800'000 francs per Bogn Sedrun

Il bogn da wellness e da divertiment a Sedrun vala sco «infrastructura relevanta per il sistem». Cunquai ha l'engrondiment dal bogn dabun daners dal chantun, numnadamain ina summa totala da var 800'000 francs, sco ella scriva en ina communicaziun. Plinavant conceda ella in emprest en la valita dad 1,065 milliuns francs en il rom da la Nova politica regiunala (NRP).

L'entir bogn duai vegnir renovà ed il bogn per uffants engrondì, tranter auter cun ina glischnera or en il liber. Uschia vegnia la purschida turistica pli attractiva, argumentescha la regenza sia decisiun. Er giasts da Mustér, Andermatt e da la Val dal Blegn fetschian diever da l'infrastructura. E cunquai ch'i saja planisà en il ressort nov a Dieni mo ina pitschna purschida da wellness, saja il bogn a Sedrun impurtant per l'attractivitad dal lieu.

La summa da total 9,8 milliuns francs vegn purtada da la vischnanca, dal chantun e da la Confederaziun. Era las ovras electricas «Energia Alpina» vegnian a contribuir 2,5 milliuns francs, sco il president communal Marcus Cavegn aveva infurmà a la radunanza communala questa stad.

Plans per l'engrondiment dalbogn da wellness e divertiment Sedrun.
Legenda: Plans per l'engrondiment dal bogn da wellness e divertiment Sedrun. Vischnanca Tujetsch
audio
Per tadlar: las novitads da las 11:00
ord RTR Audio dals 10.11.2022.
laschar ir. Durada: 34 minutas 34 Secundas.

RTR novitads 09:00

Artitgels legids il pli savens

Scrollar a sanestra Scrollar a dretga