Thomas Candrian era enfin ussa vicepresident, el succeda a Hans Peter Casutt che ha demissiunà. Thomas Candrian è dapi 12 onns en suprastanza communala da Sagogn e sto pervi da la limitaziun dal temp d’uffizi terminar quest uffizi.
Suenter ses emprendissadi sco laborant da chemia tar la EMS Chemie, è Candrian sa scolà sin il sectur da l'informatica. En il mument occupescha el in post da cader tar la Hamilton SA a Panaduz.
Il temp d’uffizi da Thomas Candrian sco nov president da Sagogn entschaiva il 1. da fanadur.
Ulteriuras elecziuns
Da nov en la suprastanza èn Katrin Blumberg Knight e Raphael Egli. Plinavant ha la radunanza communala da Sagogn confermà ils suprastants Martina Beeli e Georg Felix per in‘ulteriura perioda d‘uffizi.