Sco la procura publica dal Grischun ha confermà ad RTR ha il pur sursilvan survegnì quels dis ina disposiziun da sistida. Quai munta ch'el na survegn nagin chasti perquai ch'el aveva sajettà cun la buis da chatscha per scurrentar il luf avant in onn.
Suenter avair giuditgà il cas è la procura publica vegnida a la conclusiun ch'il pur haja agì en in stadi d'urgenza. El haja empruvà pliras giadas da spaventar il luf cun sbragir e cun spluntar cun il bastun giun plaun. Il pur haja la finala sajettà cun la buis en la terra, uschia che naginas persunas sajan stadas periclitadas e l'acziun per proteger la muntanera saja stada giustifitgada. Plinavant n'haja il pur betg gì l'intenziun da mazzar ni blessar il luf.
audio
Per tadlar curt e cumpact
ord RTR Audio dals 24.10.2022.
laschar ir. Durada: 1 minuta 12 Secundas.
