La tschertga d’ina successiun da Simona Barmettler è stada senza success. Fin uss n’hajan ins betg chattà la persuna adattada, scriva Sedrun Mustér Turissem en ina communicaziun a las medias. Per betg periclitar il manaschi operativ hajan ins uss tscherni ina soluziun ad interim. Pascal Schär surpiglia perquai a partir da la fin d’october la direcziun almain fin la primavaira 2023.
Schär è gia stà engaschà tar Sedrun-Mustér Turissem sco responsabel marketing ed è dapi il 2019 manader da l’Andermatt-Sedrun-Mustér marketing SA. Quella fa reclama per las pendicularas da Andermatt-Sedrun e da Mustér, sco era dapi il 2021 per Sedrun-Mustér Turissem.
audio
RTR novitads da las 18:00
ord RTR Audio dals 29.09.2022.
laschar ir. Durada: 5 minutas 44 Secundas.
