Siglir tar il cuntegn

Header

audio
Bumaun – L'usit da beneventar ed ir da chasa tar chasa a Schlans
Or da Actualitad dals 02.01.2024. Maletg: RTR
laschar ir. Durada: 5 minutas.
cuntegn

Schlans Bumaun – Il pli impurtant di da l'onn

Per la blera glieud da Schlans èn dus eveniments fitg impurtants e quasi sontgs en lur chalender: la cursa da skis ch'è il favrer ed l'ir a festivar Bumaun il prim da schaner. L'ultim han quellas e quels da Schlans era puspè festivà abundantamain l'onn 2024.

Sch'ins va tras Schlans èsi in pau sco en auters vitgs en la Surselva cun var 100 abitantas ed abitants. Ins entaupa savens strusch glieud. Il prim da schaner è quai dentant auter. Alura vesan ins ch'i ha blera glieud en las chasas e surtut en las stivas da Schlans, blera glieud che va da chasa tar chasa per giavischar in bun nov onn a las vischinas e vischins. Da l'autra vart envida ella tut quels che vulan vegnir en stiva per far viva cun in vinars u in liquor. Plinavant datti biscuits fatgs sez, paun cun paira ed autras delicatessas.

Tut tgi che sa legra sin ina visita lascha avert l'isch-chasa. Tgi ch'è sin ina tura lascha savair tschels ch'els vegnian pli tard puspè per avrir la porta.

Per mai è quest usit fitg impurtant. Jau hai plaschair da vesair tut la glieud. Quai di è propi spezial.
Autur: Marianna Pfister abitanta da Schlans

L'avantmezdi van ils uffants a chattar Bumaun, il suentermezdi van alura ils creschids a giavischar in bun nov onn. Cunquai che las visitas van anc viaden en la notg enfin il proxim di, è la schuppa da charn semtgada per ils osps.

Nus avain gì blera glieud il suentermezdi. Jau hai adina plaschair cura ch'i vegn blera glieud.
Autur: Stefania Caduff abitanta da Schlans
Stefania Caduff
Legenda: Stefania Caduff, l'abianta da Schlans che ha novanta onns, ha grond plaschair vid la festa da Bumaun e la blera glieud che vegn tar ella en stiva. RTR
audio
Bumaun – A Schlans viva la tradiziun da la festivar l'onn nov
ord Actualitad dals 02.01.2024. Maletg: RTR
laschar ir. Durada: 3 minutas 3 Secundas.

Er la generaziun giuvna mantegn quest usit. Igl è in mument cura che la glieud da tut las vegliadetgnas vegn ensemen per seser vid ina maisa, per discutar sur da quai e da tschai, per esser da cumpagnia e per far ina bella festa.

RTR actualitad 17:00

Artitgels legids il pli savens