Siglir tar il cuntegn

Header

audio
Schluein: Riccardo Wolf banduna bainprest la «Posta Veglia»
Or da Total local dals 14.09.2022. Maletg: RTR, Franco Caviezel
laschar ir. Durada: 3 minutas 29 Secundas.
cuntegn

Schluein Riccardo Wolf banduna bainprest la «Posta Veglia»

En ils davos onns ha RTR adina puspè rapportà sur dal giuven gastronom Riccardo Wolf. Quai pervia da las sfidas per la gastronomia durant corona ed er pervia da la mancanza da persunal. Uss, suenter quatter onns, chala Riccardo Wolf sco ustier.

Riccardo Wolf è daventà avant in onn e mez bab, tge ch'è per el la raschun principala da chalar sco ustier. Lavurar 60 enfin 80 uras ad emna ed avair ina famiglia na giaja betg. Uschia è el vi dad organisar la fin da la gestiun en las proximas emnas. Entschatta october vegn ina davosa giada festivà ina «Irish Night» cun musica, spaisas e biera irlandaisa. E lura èsi a fin.

L'ustier ha uschè bler da far ch'el n'haja anc betg gì temp da reflectar sur da la fin. El è surtut cuntent d'avair en il futur dapli temp per la famiglia. El haja gì grond plaschair da lavurar sco cuschinier independent, mo i dat pliras chaussas che na giajan betg, tranter auter la mancanza da persunal e las uras ch'in schef haja dad esser preschent en fatschenta.

Er sche Riccardo Wolf chala sco cuschinier ed ustier vegn el a restar fidaivel a ses mastergn. Sco instructur tar Gastro Grischun dat el vinavant sia savida a la proxima generaziun da cuschiniers. La successiun da l'ustria «Posta Veglia» è sclerida.

RTR actulalitad 11:00

Artitgels legids il pli savens