Siglir tar il cuntegn

Header

Navigaziun

L'actu uffizial cun Reto Schmid (dretg), Urban Augustin (amez) e Martin Hongler.
Legenda: L'actu uffizial cun Reto Schmid (dretg), Urban Augustin (amez) e Martin Hongler. RTR, Gionduri Maissen
cuntegn

Sedrun Emprim crap per pasternaria nova da Reto Schmid

La pli pitschna petta da nuschs dal mund vegn producida a Sedrun e quai resta era uschia. Per pudair augmentar la producziun basegna quai dentant d’in nov bajetg. Cun radund 50 osps ha il possessur Reto Schmid celebrà la tschentada da l'emprim crap da fundament. Da la partida eran dasper sia famiglia ed ils collavuraturs era ils dus investiders e represchentants da la politica communala e chantunala.

Lavur da persvasiun

La finanziaziun d’in tal project basegna gronda lavur da persvasiun, ha ditg Reto Schmid. Ma el haja chattà persunas che crain en ses project ed uschia saja reussì da vegnir tar ils daners giavischads. En sia pasternaria nova investescha il pasterner da Sedrun plirs milliuns francs. Per ina part dals daners surpiglia il chantun la garanzia.

La visualisaziun dal bajetg nov a Sedrun.
Legenda: La visualisaziun dal bajetg nov a Sedrun. mad

Realisar in project è difficil

Reto Schmid ha menziunà ch’el era pliras giadas vid dar si ses project, ma cun perseveranza e cun lavurar saja pussaivel da realisar era siemis. Quai ha era il president dal cussegl d’administraziun Martin Hongler accentuà ch’el saja propi persvas dal product ed era da Reto Schmid e perquai reusseschia era quest project e la visiun.

RR novitads 17:00