En baselgia èn sutgas ed in clavazin tschentads avant l’altar e sutgas èn era tschentadas sper ils bancs. Là na dovria quai betg bler da preparar, di il president dal comité d’organisaziun Tarcisi Hendry. Auter èsi en halla da sport e cultura Dulezi. Là sajan 120 persunas en acziun per gidar.
580 tschainas
Sonda, suenter l’aperitiv e la part uffiziala cun il rapport e giudicat da l’expert principal Armon Caviezel, datti tschaina per chors e giasts. Per l’ustier saja quai stà ina gronda sfida dad organisar 580 tschainas.
Chors da l'entira Surselva
Sedrun ha dastgà organisar questa festa gia il 1995. Alura sajan mo ils chors dal chant sacral da la Cadi stads preschents. Questa giada vegnan ils chors da l’entira Surselva en la chapitala tuatschina. Organisà l’eveniment han il chor baselgia Sedrun ed il chor maschadà Rueras.
En trais emissiuns pudais vus udir impressiuns da quella festa.
- Noss Chors, mardi ils 21.5.2019 a las 19:00, rep. mesemna ils 22.5.2019 a las 15:03.
- Artg musical, dumengia ils 26.5.19 a las 15:03, rep. glindesdi ils 27.5.2019 a las 15:03.
- Noss chors, mardi 28.5.2019 a las 19:00, rep. mesemna 29.5.2019 a las 15:03
RR actualitad 11:00
Impressiuns da festas da chant cecilianas ord l'archiv
