Era l'alp Sogn Martin sin 2'000 meters sur mar è pertutgada da la chalira. Ils auals èn sitg setgs ed uschia manca l’aua per las radund 90 vatgas sin l'alp. Las vatgas pon baiver la damaun avant ch’ellas partan sin l’alp e la saira cura ch’ellas turnan. Quai è la consequenza da l’enviern cun pauca naiv ch'è luentada baud.
Nus avain l’alp sut in glatscher, ma tuttina nagina aua.
Ils auals sajan fin uss adina vegnids, ma quest onn na vegnani betg, di Gion Beeli vinavant. Quai n'haja anc mai dà. Da la mancanza d’aua n'è betg mo Gion Beeli e sias alps pertutgadas, mabain er auters purs en la regiun.