En il chastè Löwenberg a Schluein ha lieu da temp a temp occurenzas per start-ups. L'idea da l'eveniment è quella, chi dat dapli persunas che vulan investir che novas fatschentas che preschentan lur ideas.
I va per perschuader
Tgi na enconuscha betg l'emissiun «Die Höhle der Löwen»? Giuvens interprendiders cun bunas e main bunas ideas emprovan da vender in product ad investurs per etablir il product u ina purschida sin il martgà. Il sistem al Löwenberg a Schluein è sumegliant, mo che ils investurs vulan restar pli anonims e quels che vulan preschentar in nov product ston vegnir cun products da qualitad.
Da las 70 annunzias avain nus envidà 10 start-ups a l’occurrenza. Per pudair sa participar ston las interpresas ademplir autas qualificaziuns.
-
Bild 1 von 4. Il liun avant il Löwenberg. Bildquelle: RTR.
-
Bild 2 von 4. Discurs els sulers stretgs dal chastè Löwenberg sur Schluein. Bildquelle: RTR.
-
Bild 3 von 4. En ils discurs vegn empruvà da martgadar e da persvader. Bildquelle: RTR.
-
Bild 4 von 4. Lieu d'inscunter per start-ups ed investuzrs: il chastè da Schluein,. Bildquelle: RTR.
Quels che han pudì preschentar lur ideas als investurs han fatg quai u en discurs persunals ni en ina preschentaziun a l'entir public. Al Löwenberg eran dasper las 10 interpresas che han preschentà lur products en tut passa 70 investurs da la partida.
Ina tala preschientscha d’investurs è unica en Svizra. Nus avain fatg il quint: ils start-ups han il basegn dad 11 milliuns francs, ils investurs han annunzià da vulair investir 65 milliuns francs.
Er sche la schanza saja buna per las interpresas da chattar investurs, na saja quai betg garantì ch’i funcziunia er la finala. En emprima lingia saja l’occurrenza qua per far ils emprim pass sin in viadi che duess culminar en success.