Siglir tar il cuntegn

Header

cuntegn

Stussavgia Attatga da luf sin ina sterla

Sin l’alp Camana en Val Stussavgia è ina sterla d’in onn e mez vegnida attatgada d’in luf, quai conferma l’Uffizi da chatscha e pestga. L’animal haja blessuras vid las chommas, il dies e l’iver – vegn dentant probabel a surviver l’attatga.

L’animal saja vegnì tractà dal veterinari e vegnia probabel a surviver l’attatga, ha confermà l’Uffizi da chatscha sin dumonda da RTR. Quai saja l'emprima attatga confermada sin in animal pli grond. Il territori en Val Stussavgia fa part dal triep dal Beverin, ma sche quai saja in luf da quest triep stoppia l’emprim vegnir confermà tras las emprovas da DNA. Era betg cler saja sche quai sa tractia d’ina attatga d’in luf u da plirs lufs.

Attatga betg quintada vid il contingent

Tenor l’Uffizi da chatscha na vegn quest cas betg quintà vid il contingent necessari per tschentar la dumonda da sajettar il luf. L’attatga po sulet vegnir menziunada sco remartga tar ina eventuala dumonda. Era betg cler è sch'i sa tracta dal medem luf che ha attatgà avant radund 10 dis in asen sin la Muntogna da Schons. Ins quinta da savair dapli suenter che las emprovas da DNA èn vegnidas fatgas, uschia l’uffizi.

RTR novitads 14:00

Artitgels legids il pli savens

Scrollar a sanestra Scrollar a dretga