Anc para l'ustaria «Berghaus Foppa» in plazzal da lavur. Enfin 20 firmas èn al lieu per vegnir a fin sin l'avertura ch'è il cumenzament da fanadur.
L'emprima emprova avrir las portas da l'ustaria en il territori da muntogna è vegnida franada a moda abrupta pervia d'in brischament l'october 2024. Là steva l'ustaria curt avant la reavertura. L'ustaria era numnadamain vegnida sanada suenter che la vischnanca da Flem aveva cumprà ella.
Per il mainafatschenta, Sebastian Kern, e ses team è quai stà cumbinà cun insaquantas malsegirtads. Ussa po l'ustier salvar il team da collavuraturas e collavuraturs enfin che l'ustaria vegn sanada da fund ensi.
-
Bild 1 von 4. Bildquelle: RTR.
-
Bild 2 von 4. Bildquelle: RTR.
-
Bild 3 von 4. Bildquelle: RTR.
-
Bild 4 von 4. Bildquelle: RTR.
A Foppa ha ina tegia provisorica servì ils davos 2,5 onns sco ustaria. Il team che lavura gia dapi blers onns ensemen e restà e gida ussa da far midada. Uschia è il tschaffen e plaschair da returnar ad il lieu vegl, ma en la tegia nova e grond.
Per Guido Casty, commember da la suprastanza da Flem, è cler che l'ustaria ha stuì vegnir sanada. Foppa saja numnadamain l'origin dal sport d'enviern a Flem e l'ustaria «Berghaus Foppa» in'ustaria da tradiziun.