La vischnanca Lumnezia ha chattà in nov chanzlist – quai suenter avair tschertgà dapi l’atun passà. Ivan Derungs ch'ha 25 onns ed ha ragischs lumnezianas surpiglia il post da Marcus Cavegn che va en pensiun. L’emprim da settember entra el en uffizi e lavura en chasa communala a Vella – quai è vegnì publitgà en il fegl uffizial.
Plinavant ha la suprastanza communala Lumnezia infurmà che Martin Rupp ha demissiunà per immediat ord motivs persunals. L'uffizi forestal surpiglia Renzo Blumenthal ad interim – sper sia incumbensa sco schef dal departament da construcziun.
