Super Summer Camp Flem - Gala da patinadi artistic grazia concept da segirtad rigurus

1 / 4

Legenda: Intginas da las atletas cun il manader da l'emna da trenament, Daniel Fürer. RTR, Reto Pfister

2 / 4

Legenda: Purtar ina mascra da protecziun era obligatoric. RTR, Reto Pfister

3 / 4

Legenda: Ils visitaders da la gala da glatsch. RTR, Reto Pfister

4 / 4

Legenda: Daniel Führer, manader da l'emna da patinadi. RTR, Reto Pfister

Il cas a Parpan, nua ch’i ha dà infecziuns dal Covid-19 en in champ da musica d’uffants ha procurà per malsegirtad era a Flem.

Concept da segirtad rigurus

Tut ils preschents en la halla da glatsch han stuì montar ina mascra da protecziun. Quai valeva schizunt per las patinadras e per ils patinaders. Mo durant la preschentaziun sin il glatsch dastgavan quels prender davent la mascrina.

Gia avant il cas a Parpan avevan nus preparà in concept da segirtad rigurus. Nus avain qua atlets ed atletas da tschintg naziuns. La segirtad ha per nus prioritad absoluta.

audio

Patinadi artistic

02:09 min, ord Novitads dals 27.07.2020.

laschar ir. Durada: 2 minutas 9 Secundas.

Gala da glatsch

Dasper tut las mesiras da segirtad han alura ils atlets e las atletas preschentà in program variant da patinadi artistic. Davent da producziuns da noviz enfin curridras da nivel internaziunal han ils visitaders pudì giudair en las varga 20 producziuns.