La proxima producziun da Opera Viva, a Sursaissa duai avair lieu il 2025. Quai haja la suprastanza decidì, ensemen cun il directur artistic Gion Gieri Tuor, scriva l'uniun Opera Viva. La proxima opera vegn ad esser la 10avla represchentaziun. Che l'opera n'ha betg lieu l'auter onn haja da far cun ina cumulaziun d'autras occurenzas culturalas ch'èn gia annunziadas, uschia ils organisaturs.
Kevin Brunold daventa nov president
Plinavant ha la radunanza generala elegì Kevin Brunold sco nov president da l'uniun. El surpiglia l'uffizi da Claudio Pfister. Brunold è stà fin uss il schef da finanzas. Enconuschent è el sco CEO da Surselva Turissem SA, deputà en il Cussegl grond e co-president da l'Allianza dal Center dal Grischun.
Nov responsabel per las finanzas daventa Muhammed Emren da Sursaissa Mundaun. El è mainasquadra Credit Office tar la Raiffeisen Surselva a Glion. E nov responsabel da sponsoring e marketing daventa Günter Stegmaier da Sursaissa. El saja gia dapi onns partenadi dad opera viva Sursaissa.
