Uschia possia l'interpresa ademplir las cundiziuns per finanziar projects da la nova politica regiunala, scriva l'interpresa en ina communicaziun. A la radunanza generala han ils acziunaris plinavant elegì il president communal d'Andermatt Hans Regli, sco nov commember en il cussegl d'administraziun. El remplazza Yvonne Baumann.
L'Andermatt-Sedrun Sport SA possia guardar enavos sin in onn intensiv (october 2017 fin settember 2018). Malgrà la blera naiv saja il resultat betg stà uschè bun perquai che las fins d'emna èn savens stadas schliattas pervi da l'aura schliatta. La svieuta da las pendicularas hajan ins dentant pudì augmentar per 5%. Il quint preschenta ina perdita da radund 6,9 milliuns.
RR novitads 12:00
