Avant otg onn ha la planisaziun cumenzà, uss è il project realisà: Ils 7 da december 2018 avra il Center Stenna a Flem sias portas. L'entir cumplex è construì sin la punt che collia Flem Vitg cun Flem Casa d'Uaul. Sut la punt sa chatta in bajetg cun 1'200 parcadis. Davos il center vegnan construidas trais chasas cun abitaziuns da vacanzas administradas. Lezzas lavurs da construcziun duajan esser terminadas la primavaira 2019.
Las dimensiuns dal Center Stenna:
- 113 meters lunghezza
- 30 meters autezza
- Custs: 160 milliuns francs
I dovra ils gronds per far l'entschatta
Ils gronds locaturs en il center èn «Explorit» che represchenta la marca «Kindercity e Sciencity». La Arena Alva, il Coop e la Banca Chantunala Grischuna. Ils investiders principals èn Iso Senn da Son Gagl e la banca gronda Credit Suisse.
«Explorit» ha fittà 2'800 meters quadrats. Sin quels sa chattan quatter kinos pitschens, l'exposiziun «Wasserwelten», la «Schlumpf Uhr» ed autras exposiziuns.
Ina gronda part da l'exposiziun è deditgada al scrivent franzos Jules Verne. Là datti exponats sco il sutmarin dal capitani Nemo, la »Nautilus« u er il ballun ad aria chauda da signur Phileas Fogg.
-
Bild 1 von 11. Er ordadora vegn anc lavurà fin l'avertura dals 7 da december. Bildquelle: RTR, Linus Livers .
-
Bild 2 von 11. Il sutmarin Nautilus cun la furma da dragun tipica. Bildquelle: RTR, Linus Livers .
-
Bild 3 von 11. Karin Pitois avant la fanestra dal sutmarin Nautilus. Bildquelle: RTR, Linus Livers .
-
Bild 4 von 11. Ina part endadens dal sutmarin Nautilus. Bildquelle: RTR, Linus Livers .
-
Bild 5 von 11. Karin Pitois, e l'investider Jean Christophe Gostanian en il sutmarin Nautilus. Bildquelle: RTR, Linus Livers .
-
Bild 6 von 11. Anc vegn lavurà dapertut vid l'exposiziun. Bildquelle: RTR, Linus Livers .
-
Bild 7 von 11. Ina part endadens dal sutmarin Nautilus. Bildquelle: RTR, Linus Livers .
-
Bild 8 von 11. Il maletg è inspirà da Jules Verne. Bildquelle: RTR, Linus Livers .
-
Bild 9 von 11. La «Schlumpf Uhr»: Sch'ins mova ina roda, sa movan tuttas. Bildquelle: RTR, Linus Livers .
-
Bild 10 von 11. La rampa che maina sin la segund'auzada e sin il palantschieu sura cun la «Schlumpf Uhr». Bildquelle: RTR, Linus Livers .
-
Bild 11 von 11. Il bajetg dal Stenna Center che sa stenda sur la val Stenna. Bildquelle: RTR, Linus Livers .
RR actualitad 07:00