Siglir tar il cuntegn

Header

cuntegn

Telefonia 5G Swisscom vul – Rueun na vul betg

A chaschun da la saira d’infurmaziun dals 19 d’avust 2019 ha la vischnanca da Glion infurmà davart l’antenna da 5G che la Swisscom vul bajegiar a Rueun.

Infurmà han:

  • Carmelia Maissen, presidenta communala da Glion
  • Swisscom, che vul bajegiar l’antenna
  • Uffizi da natira e protecziun da l'ambient pertutgant las controllas da las immissiuns da radiaziun
  • Peter Schlegel, criticher da 5G
  • Dr. Gieri Caviezel, giurist pertutgant cundiziuns generalas da las leschas e las pussaivladads d’agir da las vischnancas.
Video
Swisscom vul - Rueun na vul betg in'antenna da 5G
Or da Telesguard dals 20.08.2019.
laschar ir

Cas spezial a Rueun

A Rueun è il terren nua che l’antenna duai vegnir construida en possess da la vischnanca da Glion. Uschia po quella decider, sch’ella vul pussibilitar a la Swisscom da bajegiar ina terza antenna en il vitg.

Là nua che las interpresas da telefonia han contracts cun persunas privatas n’ha la vischnanca betg la pussaivladad d’impedir las antennas. Pretensiun è che las antennas adempleschan las prescripziuns pertutgant las immissiuns da radiaziun.

Co vinavant?

La suprastanza da vischnanca da Glion sto uss decider co agir. El mument n’èsi anc betg cler nua ch’il viadi va. La vischnanca vul dentant infurmar la populaziun avant che prender decisiuns concretas.

RR actualitad 12:00