-
Bild 1 von 3. Curt avant las nov ha quai avunda plaz sin il parcadi a Mustér. Bildquelle: RTR, Gionduri Maissen.
-
Bild 2 von 3. Bler plaz da parcar n'hai betg ma tuttina betg blera glieud en stizun. Bildquelle: RTR, Gionduri Maissen.
-
Bild 3 von 3. Il parcadi a l'Isla ha anc avunda plaz per visitaders dal center da cumpra. Bildquelle: RTR, Gionduri Maissen.
Enturn las 09:00 sin il parcadi sut il resort Catrina ha quai il glindesdi anc avunda plazzas da parcar. Per tut quels che n’han betg planisà bain avunda, hai num d'ir a cumprar il necessari. Ma quai na paran betg d’esser uschè bleras persunas. Il resun è che cun planisar bain e perquai ch'igl era enconuschent, che las stizuns restian serradas trais dis, hajan ins pudì evitar che las reservas giajan idas a fin. Tuttina manegia in bab da famiglia che surtut paun frestg u products frestgs en general hajan mancà ed uschia saja bun, che las stizuns sajan puspè avertas.
A Glion hai dapli glieud
Sin il parcadi da las stizuns a Glion hai era anc plazzas da parcar libras, ma tuttina hai qua dapli persunas che vulan gia cumprar en. Per las turistas ed ils turists che vegnan si da la Bassa ha quai dentant betg propi bleras persunas ed era per ils indigens betg, era sch’il parcadi vegn adina pli plains. Uschia pon ins dir che las bleras persunas han planisà bain, uschia ch’els n’han betg gia stuì ir a cumprar en il glindesdi, suenter che las stizuns èn stadas serradas durant trais dis.