L'ultim tren cun autos è ì. Suenter bunamain 40 onns na vegnan betg pli transportads autos tranter Sedrun ed Andermatt.
Ch'il servetsch vegn stritgà han ins gia decis il 2021. Il motiv perquai eran custs auts ed ina dumonda adina pli bassa. Ultra da quai avessan ins stuì far ils proxims onns investiziuns grondas.
Dapi il 2011 è il dumber dals autos transportads cun il tren sa stabilisà sin radund 2'100 autos per enviern, quai dapi ch'il pass dal Lucmagn è avert l'entir onn.
