Siglir tar il cuntegn

Header

cuntegn

Tranter Mustér e Sedrun Luf è vegnì sajettà suenter collisiun cun tren

L'entschatta da quest'emna è in luf giuven collidà cun in tren tranter Mustér e Sedrun. Quai scriva l'Uffizi da chatscha e pestga dal Grischun sin sia pagina. Entra l'accident saja il luf vegnì blessà grevamain, haja dentant pudì fugir. Cun agid d'in chaun da sang ha la surveglianza da chatscha chattà il luf e silsuenter er stuì sajettar el pervia da sias blessuras.

In luf dal triep da Stagias

Il luf masculin saja probabel in dal triep da Stagias. Il territori dal triep s'extenda dal Pass Alpsu, en Val Tujetsch enfin a Mustér ed en Val Medel. Per savair intercurir il luf giuven vegn quel transportà en il labor a Losanna. Pervi da la blera naiv en ils auts saja da quintar cun lufs che tschertgian vivonda en la vischinanza da vitgs.

Ord l'archiv

video
Il luf e ses return en il Grischun
Or da RTR Social dals 07.02.2020.
laschar ir

RTR novitads 17:30

Artitgels legids il pli savens

Scrollar a sanestra Scrollar a dretga