Siglir tar il cuntegn

Header

cuntegn

Sessiun d'enviern Parlament refusa dapli daners per la protecziun da scossas

Nagins raps supplementars per la protecziun da la scossas encunter il luf. Il parlament ha decidì da betg augmentar ils raps per l’alpegiaziun da las nursas.

En ina emprima debatta aveva il Cussegl naziunal sustegnì ils 1,8 milliuns francs supplementars per l’alpegiaziun. Suenter ch'il Cussegl dals chantuns ha refusà l’augment, è oz era il Cussegl naziunal suandà a la chombra pitschna. Uschia na survegnan pasturas e pasturs che fan mesiras per proteger la scossa betg dapli daners.

In ulteriur augment dad in mez milliun, ch'era en discussiun, ha fatg da cumenzament davent naufragi.

Custs da passa 100'000 francs en il Vallais

En il Vallais han ils donns entras lufs chaschunà ils ultims 10 mais custs da 114'000 francs. 80% da quels custs surpiglia la Confederaziun. Passa 300 animals da niz sajan vegnids stgarpads. Dumbrà hajan ins 22 lufs en il chantun. Quai ha communitgà il monitoring da lufs dal chantun.

Sco il post spezialisà per la protecziun da scossas haja giuditgà, sajan 65 animals vegnids stgarpads en situaziuns protegidas, 52 en situaziuns betg pussaivlas da proteger e 185 en situaziuns betg protegidas.

Podcast Café federal

Il podcast politic. In sguard davant e davos las culissas da la politica naziunala.

Ulteriurs audios e podcasts

RTR novitads 12:00

Artitgels legids il pli savens