La notg vargada han delinquents nunenconuschents sfratgà en las fanestras dad 11 autos a Trun. Ils delinquents hajan sfugatà en l'interiur ed engulà objects da valur. Quai ha Anita Senti da la Polizia chantunala detg ad RTR.
Ils autos pertutgads sajan per la gronda part stads parcads sper la via principala, dus dad els en ina garascha sutterrana. Tar ils delinquents na sa la polizia il mument anc betg dir dapli. Ella ha fatg la segirada d'indizis ed intercurescha uss ils delicts.
