Siglir tar il cuntegn

Header

video
Casa Carigiet a Trun: Tetg da protecziun è montà – Co vai uss vinavant?
Or da Telesguard dals 17.11.2020.
laschar ir
cuntegn

Trun In sguard en la «Casa Carigiet»

Oz ha Trun Cultura invidà ad ina invista en la Casa Carigient suenter ch'il tetg da protecziun è vegnì montà. L'architect Remo Derungs ha manà tras las ruinas da la chasa.

En la «Casa Carigiet» fredi anc adina in pau da fim. Sch’ins entra la chasa sin plaunterren na vesan ins anc nagut dal fieu, uschia er sin l’emprima auzada. Tuttina hai er là donns, dentant èn quai donns da l’aura perquai che la chasa è stada in onn e mez senza tetg.

Ins stoppia prender ora tut ils elements da lain, quintia dentant ch’ins possia salvar ils mirs. En la terza auzada èn lura da vesair ils gronds donns dal fieu, nua ch’il fieu è probabel er rut ora.

Co vai vinavant?

Il pli grond obstachel sajan ils daners, din Thomas Imboden e Lisa Schmidt-Candinas da l’uniun Trun Cultura. In grond pass hajan ins pudì far cun metter sut protecziun la «Casa Carigiet». La promoziun dal project da renovaziun saja la pli gronda sfida ed uschia er da chattar ils daners neccessaris.

RTR actualitad 11:00

Artitgels legids il pli savens

Scrollar a sanestra Scrollar a dretga