Siglir tar il cuntegn

Header

video
Recurs cunter resort Dieni
Or da Telesguard dals 15.12.2022.
laschar ir. Durada: 1 minuta 40 Secundas.
cuntegn

Tujetsch Helvetia Nostra fa recurs cunter resort Dieni

Per l’organisaziun d’ambient «Helvetia Nostra» è il resort planisà a Dieni memia gronds e destrueschia la natira e la cuntrada, perquai hajan els inoltrà il recurs. La dimensiun saja gigantica e betg pli confurm al temp, ha ditg Vera Weber.

Uss spetgan els sin las respostas da la vischnanca ed alura vegnian els ad examinar tut en detagl, uschia l’inizianta da l’iniziativa da segundas abitaziuns. Els inoltreschian cunter tut ils projects che pudessan sapientiv ni pli discret cuntrafar a la lescha da segundas abitaziuns in recurs, en quest cas saja dentant l’entir project memia gronds e destrueschia la natira e la cuntrada, declera Vera Weber. Era duvrassi in studi da cumpatibilitad ecologica per il project. Els quintian ch’il recurs cunter la dumonda da construcziun vegnia renvià da la vischnanca, ma els sajan era pronts, sche quai na dettia naginas midadas, dad trair vinavant il cas a la Dretgira administrativa, ha ditg Vera Weber.  

audio
Recurs da Helvetia Nostra cunter ressort a Dieni
ord Actualitad dals 16.12.2022. Maletg: Visualisaziun
laschar ir. Durada: 2 minutas 22 Secundas.

Anc dus recurs

La vischnanca da Tujetsch ha confermà che «Helvetia Nostra» ha inoltrà in recurs cunter il project a Dieni, ultra da quai sajan anc dus auters recurs vegnids inoltrads a la vischnanca, uschia Martin Cavegn president communal da Tujetsch. L’Andermatt Swiss Alps (ASA) ha ditg ad RTR ch’els vegnian uss ad examinar ils recurs e prender posiziun envers la vischnanca il proxim temp, dapli na possian els il mument betg dir, uschia Stefan Kern il responsabel da communicaziun da l’ASA.

Planisà è da realisar in resort da vacanzas cun 13 chasas e total 1’800 letgs. Repartids vegnan quels sin 410 chombras d’hotel e 119 abitaziuns da vacanzas. Il temp per inoltrar in recurs è scadì ils 8 da december.

Or da l'archiv:

video
Samih Sawiris concretisescha plans per ressort a Dieni
Or da Telesguard dals 17.09.2019.
laschar ir. Durada: 3 minutas 20 Secundas.

RTR novitads 11:00

Artitgels legids il pli savens

Scrollar a sanestra Scrollar a dretga