En ina votaziun consultativa ha la populaziun uss ditg cleramain (65% da las vuschs) ch’ella na vul betg pli in parlament. Uschia vegn quai a dar en futur la radunanza communala. Quella na vegnia però betg sulet ad avair lieu trais, quatter giadas l'onn, mabain probabel pli savens, di il president communal Martin Cavegn. Impurtant saja da legitimar las propostas da la suprastanza communala, perquai senza il cussegl saja la populaziun dumandada da legitimar las fatschentas.
Cussegl communal sto decider davart il cussegl communal
La proposta per la nova constituziun sto sco emprim il parlament sez tractar. Uschia vegn lez a decider davart ses futur e il pli probabel era abolir sasez. Quella fatschenta duai vegnir avant il cussegl anc l’entschatta da l’onn che vegn ed il pievel duai decider en il decurs dal 2021. Uschia hajan ins temp dad elavurar tut ils detagls organisatorics e la nova constituziun possia alura ir en vigur cun la nova perioda d’uffizi che cumenza en trais onns, di Martin Cavegn.
