Siglir tar il cuntegn

Header

cuntegn

Uffizi da chatscha La fin d'emna èn dus lufs vegnids sut il tren

La fin d'emna èn dus lufs vegnids sut il tren. Quai ha l'Uffizi chantunal da chatscha confermà sin dumonda dad RTR. In dals lufs saja vegnì sut il tren sin il traject tranter Versomi e Valendau, in auter tranter Alvagni e Filisur.

Quest enviern èn cun quai gia crappads nov lufs en il Grischun. Otg da quels èn daventads unfrendas dal traffic. In ulteriur è vegnì mazzà l'entschatta da l'onn sper Pigniu, cura ch'el è entrà en il revier d'in auter triep.

Rapport mensil december 2020

En ses rapport mensil infurmescha igl uffizi da chatscha e pestga ch'i n'ha dà nagins stgarps d'animals da niz durant il december el chantun Grischun. En ses rapport resumescha il uffizi anc ina giada las cifras da l’entir onn 2020: En tut hajan ils lufs stgarpà 225 nursas, 17 chauras, ina vadella ed in asen.

En la vischinanza da Flond ha la surveglianza da chatscha chattà la fin da l’onn il cadaver d'in luf. Il motiv per la mort na sajan anc betg sclerida. Il uffizi da chatscha quinta, ch’il animal saja vegnì blessà d’in auto e ch’el saja mort da las consequenzas da las blessuras.

RTR novitads 10:00

Artitgels legids il pli savens

Scrollar a sanestra Scrollar a dretga