L’Uniun Lag Salischinas sto ir a la tschertga dad in nov president u ina nova presidenta. Il president Rino Caduff, ch'è stà dapi la fundaziun da l'uniun il 2017 a la testa, ha decis da sa retrair per motivs persunals. Ad interim vegn l’actuar e vicepresident Fabian Collenberg ad esser responsabels per ils affars da l’uniun.
Plinavant ha l’Uniun communitgà ch’ins haja fatg progress tar il project Salischinas. Quai cunzunt tar las discussiun en connex cun la cumpensaziun da terren. Il mument sa chattian ins en discurs cun ils purs e proprietaris da terren. Quels discurs sajan fin uss constructivs. Ins saja persvadì ch'ins possia chattar bunas schliaziuns. Ils discurs duain vegnir terminads fin la stad 2021. Alura duai vegnir infurmà davart il futur.