Siglir tar il cuntegn

Header

cuntegn

Urban Maissen davart malauras «Il Grischun è mitschà cun in egl blau»

Ils avertiments da malauras che Meteo Svizra ha fatg per il Grischun, cun inditgar per tschertas parts dal chantun il stgalim 5 da 5, èn bain stads giustifitgads, donns hai per fortuna dentant dà be paucs.

En il Grischun tschessa la plievgia plaunsieu. Sper intginas bovas ed impediments sin via n’hai enfin la dumengia saira betg dà pli gronds problems. La situaziun saja dentant schon vegnida valitada endretg, di Urban Maissen, il manader da l'Uffizi da guaud e privels da la natira.

Ins ha avertì cun inditgar il livel 5, il pli aut ch’i dat. Per part è vegnì cuntanschì be livel 3, dentant hai dà lieus, nua ch’il livel 5 è stà giustifitgà.
Autur: Urban MaissenManader da l'Uffizi da guaud e privel da natira

En las valladas dil sid dal Grischun, nua ch'il privel pareva il pli grond, è l’aura sa calmada la dumengia suentermezdi. Ils flums gronds sco Rain ed En han manà davent l’aua senza grondas difficultads. Là schazegia Maissen, ch'i saja vegnì cuntanschì il pli dal tut il stgalim 3 da malaura.

Er sche l'aura vegn plaunet meglra, avertescha Urban Maissen dentant, ch'ins stoppia vinavant avair quità en las valladas dal sid ed en Surselva. Il flums ed auals mainian anc adina fitg blera aua ed er il privel da bovas na saja anc betg tschessà.

Impressiuns da divers flums

video
La malaura en il GR
Or da RTR Social dals 29.08.2020.
laschar ir

RTR actualitad 17:00

Artitgels legids il pli savens

Scrollar a sanestra Scrollar a dretga