Myriam Pelican-Camenisch è sco buoba vegnida virolada. Ella haja survegnì tut las virolas ch'ins survegniva sco uffant avant 40 onns, raquinta ella.
Uschia ha ella er survegnì la virola cunter la mieur (Mumps). Tuttina haja ella survegnì trais giadas la malsogna. Sche quai ha influenzà sia decisiun da betg laschar virolar ils agens uffants, na sa la dunna da Surrein betg dir. Il motiv principal è dentant in auter:
Jau hai gì disgust da m'imaginar, tge che vegn tut sprizzà en mes uffant.
Virolar n'è betg adina nair ed alv
Myriam Pelican-Camenisch n'è dentant betg strict cunter mintga furma da virolar. Sch'in uffant fa in accident ed i pudess dar ina tissientada dal sang, lura vesa ella il senn da laschar dar la virola da tetanus.
Mia feglia ha gì in accident e perquai, hai jau stuì laschar dar la virola da tetanus. Quai è stà en urden per mai.
Quai è dentant la suletta virola che ella ha lascha dar ad in da ses uffants. Actualmain constettia la situaziun per ella e ses um da na betg laschar dar ulteriuras virolas als uffants. Ella saja persvada da sia decisiun. Dentant di ella era: «Jau na di betg ch'jau na lasch mai virolar mes uffants.»
RR actualitad 07:00