Mustér survegn in mez milliun francs dal Padrinadi svizzer per vischnancas da muntogna per sanar il rempar da protecziun en Val Acletta. Sco l'organisaziun che sa basa sin il patratg da solidaritad scriva, haja il padrinadi decidì en la sesida dal december da sustegnair 30 projects. En tut sustegna il padrinadi svizzer per vischnancas muntagnardas ils projects cun 3,8 milliuns francs.
L'october 2020 aveva in ferm urizi chaschunà aua gronda en la val. Tras quai eran parts dals rempars da l'aual vegnidas donnegiadas. Ed il fanadur 2021 è il rempar da protecziun vegnì donnegià tras ulteriuras malauras. A la finanziaziun sa participeschan era chantun e Confederaziun sin basa da la cunvegna davart stabiliments per la protecziun d'aua.
Or da l'archiv:
