Siglir tar il cuntegn

Header

audio
Saira: Via en Val Medel – tenor geolog nagins problems pli gronds
Or da Actualitad dals 23.10.2019.
laschar ir. Durada: 02:04 minutas.
cuntegn

Val Medel I resta privlus en la regiun dals tunnels

Uss saja tut il material giuadora; ed en questa dimensiun na vegnia nagut pli là. Ma en auters lieus stoppian ins quintar che crappa e grippa vegnia puspè giu sin via en la regiun dals tunnels da Medel. Quai ha il geolog Ruedi Krähenbühl ditg ad RTR.

L'aua fa pressiun

La notg dals 21 als 22 d’october è crappa e grippa (ca. 400 meters cubic) vegnida giuadora gist suenter il tunnel grond avant il caraun. La plievgia ha chaschunà quest eveniment. Sco il geolog di, fetschia l’aua pressiun encunter il grip, e quel sa schluchia alura. E sch’i plovia intginas uras na possia il grip betg pli tegnair pitg a la pressiun.

Video
Tranter Mustér e Medel èsi er vinavant da quintar cun crudadas da crappa
Or da Telesguard dals 23.10.2019.
laschar ir

Era quintar ils proxims onns cun bovas

Gia avant 15 onns hajan els giuditgà la situaziun en la regiun dals tunnels da la Val Medel. E perquai ch’il clima sa mida stoppian ins era quintar ils proxims onns cun bovas. Pir cura ch'il material en ils lieus critics saja vegnì giuadora, èsi puspè pli ruassaivel. Perquai cusseglia Ruedi Krähenbühl da charrar cun attenziun, surtut cura ch’i plova.

RR actualitad 17:00