Cun la fundaziun da la «Fundaziun Felsentherme» va in lung chapitel a la fin. Suenter che Remo Stoffel aveva cumprà avant 10 onns l'Hotel Therme cun il bogn termal, po la vischnanca da Val ussa cumprar anavos il bogn termal per in pretsch simbolic dad 1 franc. La radunanza communala ha approvà il document da fundaziun senza gronda discussiun.
Cun l'elecziun da Peter Zumthor en il cussegl da la fundaziun ha la suprastanza communala procurà ch'ils adversaris da Remo Stoffel èn integrads en la fatschenta e che la charplina pertutgant il bogn termal pudess esser a fin ussa.
