Al pass dal Tomül en Val Stussavgia èn dus skiunzs da turas ch'eran sparids vegnids chattads ier suentermezdi. Il giuven da 34 onns e la giuvna da 22 onns hajan però be pli pudì vegnir salvads morts or dad ina lavina, communitgescha la polizia chantunala. Ils dus skiunzs da turas eran partids il venderdi a bun'ura da Thalkirch per ir sin il Piz Tomül. Suenter ch'els n'eran betg turnads han confamigliars alarmà ier la Rega e la polizia chantunala. Tar in sgol da tschertga han ils dus giuvens lura pudì vegnir localisads cun signals dal detectur da victimas da lavinas, en la regiun «Riedboda» sin la vart da Val, sin 2'050 meters sur mar.
La polizia chantunala e la procura publica intercureschan las circumstanzas da l'accident.
audio
Per tadlar: curt e cumpact
ord RTR Audio dals 17.04.2022.
laschar ir. Durada: 48 Secundas.
