Siglir tar il cuntegn

Header

video
Via istorica Disla: Protecziun da la patria fa recurs
Or da Telesguard dals 07.09.2020.
laschar ir
cuntegn

Via istorica Disla/Mustér Protecziun da la patria fa recurs

Dacurt ha l'uffizi chantunal per l'agricultura decidì ch'ins possia cuntinuar las lavurs da meglieraziun tranter Disla e Madernal. Encunter questa lubientscha fa la Protecziun da la patria recurs a la dretgira administrativa dal Grischun. Quai ha la manadra Ludmilla Seifert confermà ad RTR.

Nus lain mantegnair la via istorica cun ses mir sitg en la regiun da Disla, e perquai ston ins interrumper las lavurs.
Autur: Ludmilla SeifertProtecziun da la Patria

E la finala n'haja il departament d'economia publica da Marcus Caduff era betg anc tractà la dumonda da revisiun. Quella aveva la Protecziun da la patria inoltrà ils 5 d'avust. L'organisaziun ha pretendì da surlavurar il project da meglieraziun en la vischnanca da Mustér e che la via cun sia structura istorica na vegnia betg destruida.

Pliras organisaziuns e privats crititgeschan, che la via tranter Disla e Madernal vegnia schlargiada. Uss sto la dretgira administrativa sa fatschentar cun quest cas respectiv cun la dumonda da franar las lavurs.

RTR novitads 06:00

Artitgels legids il pli savens

Scrollar a sanestra Scrollar a dretga