Suenter l'emprima vista sin il grip eran ils responsabels cuntents e optimistics che la segirtad saja uss garantida.
Lavurs da preparaziun da passa duas emnas
Las lavurs da preparaziun sajan stadas difficilas. D’ina vart pervi dal grip fitg tais, uschia saja quai stà grev da far las rusnas en il grip, ha ditg il schef siglientader David Baselgia. Da l'autra vart ha er l'aura cun naiv e glatsch engrevgià las lavurs da preparaziun, di Eugen Duff dal Uffizi da construcziun bassa.
Las proximas notgs resta la via serrada
Per far ulteriuras lavurs e per garantir la segirtad sin la via en Val Son Pieder vegn la via las proximas notgs serrada (21:00–05:00). In sviament è signalisà.
audio
Mezdi: Siglientada dal grip a Peiden Bogn
ord Actualitad dals 21.11.2019.
laschar ir. Durada: 2 minutas 34 Secundas.
Anc blera lavur sin la via en Val
Sin la via en Val Son Pieder n’è il grip a Peiden Bogn betg il sulet plazzal, uschia vegn lavurà gist en plirs lieus per far pli segir e pli lada la via.
RR actualitad 11:00
