La dumengia suentermezdi ha in pestgader chattà l'um da 66 onns en la vischinanza dal Ronastäg. In medi haja mo pli pudì constatar la mort da l'um, scriva la Polizia chantunala. Dapi mardi avevan gidanters e policists tschertgà il viandant en la regiun da Val – era cun agid d'helicopters. Tenor emprimas enconuschientschas è l'um crudà gia avant intgins dis giu d'in grip. Ses chaun giascheva mort sper l'um.
Ulteriur accident da viandanta a Malögia
Er la dumengia suentermezdi è ina dunna da 56 onns da l’Italia sa blessada grevamain sin ina tura datiers da Malögia. Sco la Polizia chantunala scriva, saja la dunna sa glischnada durant fotografar d’ina gonda giu. Pervi da la schletta colliaziun telefonica, han ses um e gidanters pudì alarmar pir suenter in'ura las forzas da salvament. La dunna è vegnida sgulada cun grevas blessuras en l’ospital chantunal a Cuira.
RR novitads 17:00