La vischnanca da Tujetsch ha concedì in credit d'impegn da 3,1 milliuns francs per la sanaziun da duas vias da quartier. Quai ha decis il suveran a l'urna.
Las vias che duain vegnir sanadas èn las vias da quartier Curtin Niregl ed Uaul Stgir. A la votaziun han 23,27% da las persunas cun dretg da votar fatg part, 210 dals 218 cedels da votar èn stads valaivels. 70,5% da las vuschs èn stadas per il credit d'impegn.
Davart la votaziun communala dals 14 da schaner ha l'administraziun communala infurmà.
