Vischnanca Glion - L'uniun da dunnas Glion gudogna il premi «Reuniun»
La presidenta Carmelia Maissen ha surdà durant il «Städtlifest» il premi «Reuniun». Cun quest premi dotà cun 2'000 francs, vul la suprastanza communala onurar l'engaschi e la lavur extraordinaria da las uniuns.
L'uniun da dunnas Glion ha gudagnà il premi «Reuniun». Ella è sper ses engaschi per la cuminanza era vegnida premiada per sia stizun da segund maun a Glion. Surtut cun l'engaschi da las suprastantas ha ella avert avant bun dus onns la bursa da vestgadira, numnada «La Trucca». Las dunnas han mess en pe quest project tras in barat cun l'uniun da dunnas da Zumikon en il chantun Turitg.
Jau sun tut commuventada e loscha che l'uniun da dunnas Glion ha survegnì quest premi. Quai munta fitg bler per nus.
1 / 4
Legenda:
La presidenta ed ils presidents da las uniuns nominadas: Thomas Müller da l'uniun sportiva Schluein Glion, Lucrezia Berther da l'uniun da dunnas Glion ed Urs Giezendanner dal club da skis Castrisch.
RTR, FRANCO CAVIEZEL
2 / 4
Legenda:
La delegaziun da l'uniun da dunnas Glion sa legra dal premi «Reuniun»
RTR, FRANCO CAVIEZEL
3 / 4
Legenda:
Las sportistas ed ils sportists dal club da skis Castrisch sa legran dal premi da renconuschientscha.
RTR, FRANCO CAVIEZEL
4 / 4
Legenda:
Era las ballapedistas ed ils ballapedist da l'uniun sportiva Schluein Glion èn cuntents cun il premi da renconuschientscha.
RTR, FRANCO CAVIEZEL
Il club da ski da Castrisch e l'uniun sportiva Schluein Glion ch'èn era stadas nominadas, han survegnì il premi da renconuschientscha. Lez è dotà cun 500 francs. Las duas uniuns èn surtut vegnidas undradas per lur gronda lavur cun uffants e giuvenils.
