Carmelia Maissen (Allianza dal Center) è vegnida reelegida sco presidenta communala cun 774 vuschs. Ella maina dapi 2018 la vischnanca da Glion e quai en in pensum cumplain.
Il suveran ha era elegì da nov la suprastanza cummunala, nua che Damian Cadalbert e Roman Cantieni avevan demissiunà.
Martin Capeder, Duvin, senza partida (nov) – 684 vuschs
Alice Bertogg-Darms, Sevgein, AdC (nov) – 629 vuschs
Era il parlament da Glion ha chattà novs commembers e novas commembras. 9 da 25 persunas avevan demissiunà. Cunquai che Martin Capeder è vegnì elegì en suprastanza ed er en il parlament ha el pudì decider tge post ch'el vul surpigliar. Ed el ha sa decidì per il post en suprastanza. Quai munta ch'ins sto eleger in nov 25avel parlamentarier. L'elecziun vegn ad avair lieu il settember da quest onn.
