Siglir tar il cuntegn

Header

audio
Ir cun auto en vegliadetgna: La seniora Vrena Curschellas
Or da Actualitad dals 01.02.2022.
laschar ir. Durada: 3 minutas 9 Secundas.
cuntegn

Vrena Curschellas «Cura che Ti es ida passa 50 onns senza accident, dastgas chalar»

Dapi intgins onns na vesan ins betg pli Vrena Curschellas davos la roda da manar. Las raschuns daco ch'ella ha dà giu il bigliet d'ir cun auto èn cleras: la vegliadetgna, il traffic e la ristga da far accident.

Fatg l'examen ha la dunna da Rueun cun 23 onns. Passa in mez tschientaner pli tard, en la vegliadetgna da 75 onns ha ella puspè dà giu il bigliet. Tut quels onns n'haja ella mai fatg in accident ed uschia haja ella vulì chalar la carriera davos la roda da manar sin il punct aut. Ins audia anc mintgatant da persunas ch'hajan in accident cun 80 onns ed ad ella na duai quai betg capitar, sco la seniora ha tradì. Er il traffic saja sa midà ferm. Uschia haja per exempel tuttenina dà rundellas en la regiun, insatge che la dunna ch'ha da lezzas uras fatg l'examen d'ir cun auto a Glion n'enconuscheva betg bain.

A Glion aveva quai detg avunda traffic.
Autur: Vrena Curschellas seniora
Vrena Curschellas
Legenda: Vrena Curschellas ha oz 82 onns. Cun 75 ha ella dà giu ses bigliet. RTR, Yvonne Simmen

Chapitel è serrà giu

Vrena Curschellas na deplorescha insumma betg ch'ella ha dà giu ses bigliet. Ella sa mussa schizunt leda, uschiglio vegnia ella anc sin «tuppas ideas», sco la seniora ha ditg. Las cumissiuns portian las figlias che vivan en la regiun ad ella. E las figlias sa gidian era uschiglio e fetschian taxi cun ella. Uschia na stoppia ella betg prender savens l'auto da posta.

Seniora sin vehichel agricol.
Legenda: Sin quest Muli ha Vrena Curschellas fatg blers kilometers. La stad passada è ella anc ina giada sa regurdada vid temps passads e sesida davos la roda da manar. MAD, Rosmarie Brenn

RTR actualitad

Artitgels legids il pli savens

Scrollar a sanestra Scrollar a dretga