Dapi il venderdi pon ins chantar, meditar e surtut far yoga a Breil. Per la segunda giada ha numnadamain lieu il Yoga Discovery Festival en Surselva. La fundatura ed organisatura dal festival Sabrina Lindauer, oriunda da Turitg, declera: «Per mai èsi trais dis per empruvar ora, avair mirveglias, sentir il silenzi – ma era fitg impurtant d'emprender d'enconuscher nova glieud.»
La gronda part da la glieud sa senta meglier suenter in'ura da yoga, e quai vulain nus purtar qua.
Impressiuns dal 2. Yoga Discovery Festival a Breil
-
Bild 1 von 9. Bildquelle: Yoga Discovery Festival / Lukas Schall.
-
Bild 2 von 9. Breil saja in lieu ideal per il Yoga Discovery Festival, din ils organisaturs. Bildquelle: Keystone.
-
Bild 3 von 9. Bildquelle: Yoga Discovery Festival / Lukas Schall.
-
Bild 4 von 9. Bildquelle: Yoga Discovery Festival / Lukas Schall.
-
Bild 5 von 9. Bildquelle: Yoga Discovery Festival / Lukas Schall.
-
Bild 6 von 9. Bildquelle: Yoga Discovery Festival / Lukas Schall.
-
Bild 7 von 9. Bildquelle: Yoga Discovery Festival / Lukas Schall.
-
Bild 8 von 9. Bildquelle: Yoga Discovery Festival / Lukas Schall.
-
Bild 9 von 9. Bildquelle: Yoga Discovery Festival / Lukas Schall.
Sin in prà, en l'aula da la scola da Breil u sin la plazza da ballape – il festival è derasà sur l'entira vischnanca. Sabrina Lindauer spetga per questa fin d'emna radund 90 persunas - umens e dunnas, cun experientscha e senza, da la Bassa u era da la regiun.
Ch'il festival ha gist lieu a Breil saja stà casualitad, di la scolasta da yoga. «Jau porsch divers 'Retreats' a Vuorz», di ella. «Uschia hai jau emprendì d'enconuscher qua la regiun.» Perquai che Vuorz saja dentant memia pitschen per in festival, saja ella sa decidida da far quel a Breil.
Breil è il lieu perfetg cun il lai, las muntognas. I va bain a prà cun quest'energia da yoga.
Il festival da yoga a Breil dura anc fin dumengia saira.