Siglir tar il cuntegn

Header

Survista video Survista audio

Zarli Carigiet Exposiziun e festival da tribuna a Trun

Cun ina nova exposiziun ed in festival da tribuna da trais dis onurescha Trun Cultura la lavur multifara da Zarli Carigiet. En il center na stat betg mo l'actur enconuschent, mabain era l'uman davos la figura enconuschenta.

Autor: 

27.06.2026, 10:07

Parter

Trun Cultura avra ils 27 da zercladur en la chasa natala da Zarli Carigiet l'exposiziun «Davon e davos las culissas». Fin la fin da settember accumpogna ella las visitadras ed ils visitaders tras las differentas fasas da la vita da l'actur. En il center stattan ses svilup artistic, ma era crisas persunalas e la via sin tribuna.

Sursiglir la gallaria da maletgs
  • Bild 1 von 20. Il model original da la tribuna da Zarli Carigiet. Bildquelle: RTR.
    Kunstobjekt in Glasvitrine mit bunten und dekorativen Paneelen.
  • Bild 2 von 20. En la tribuna reconstruida da Zarli Carigiet. Bildquelle: RTR.
    Kleidung und Hüte hängen an einer Stange in einem Raum mit Vorhängen.
  • Bild 3 von 20. La tribuna reconstruida da Zarli Carigiet. Bildquelle: RTR.
    Raum mit zwei dekorativen Vorhängen, einem roten und einem grünen, auf einer Drehvorrichtung.
  • Bild 4 von 20. Detagls da la tribuna da Zarli Carigiet. Bildquelle: RTR.
    Dekoration mit Kuhglocke, Blumen und rotem Vorhang mit weissen Kreuzen.
  • Bild 5 von 20. Ina da las fotografias da l'exposiziun che mussan Zarli Carigiet en acziun, qua cun sia dunna en la tribuna ch'el ha duvrà dapli che tschintg onns. Bildquelle: RTR.
    Schwarz-weisses Foto an einer Wand, das zwei Personen mit Tüchern zeigt.
  • Bild 6 von 20. Ina da las fotografias da l'exposiziun che mussan Zarli Carigiet en acziun. Bildquelle: RTR.
    Zwei gerahmte Schwarzweissfotos an einer weissen Wand.
  • Bild 7 von 20. Enavos en la glisch. Bildquelle: RTR.
    Wand mit Ausstellungstext neben einer offenen Tür in einem Gebäude.
  • Bild 8 von 20. Motivs da la tribuna da Zarli Carigiet. Bildquelle: RTR.
    Drei mit Symbolen versehene Stoffstücke an einer Wand befestigt.
  • Bild 9 von 20. Felicita Felley (san.) ed Esther Spycher, las curaturas da l'exposiziun. Bildquelle: RTR.
    Zwei lächelnde Personen schauen durch einen Vorhang mit Hütensammlung im Hintergrund.
  • Bild 10 von 20. Ina da las fotografias da l'exposiziun che mussan Zarli Carigiet en acziun. Bildquelle: RTR.
    Gerahmtes Schwarz-Weiss-Foto eines lächelnden Mannes mit Hut und Musikinstrument an der Wand.
  • Bild 11 von 20. Fotigrafias da Zarli Carigiet a l'exposiziun Davon e davos las culissas. Bildquelle: RTR.
    Innenraum einer Galerie mit Fotografien an der Wand und alten Fenstern darüber.
  • Bild 12 von 20. Vista sin la casa Carigiet a Trun. Bildquelle: RTR.
    Strassenszene in einem alpinen Dorf mit einer Kirche und traditionellen Gebäuden.
  • Bild 13 von 20. La curatura Felicita Felley davant ina fotografia che mussa la tribuna da Zarli Carigiet. Bildquelle: RTR.
    Person zeigt auf gerahmtes Bild an einer weissen Wand in einer Galerie.
  • Bild 14 von 20. La tribuna reconstruida da Zarli Carigiet. Bildquelle: RTR.
    Schwarzer Vorhang mit dekorativen Wänden in einem Raum.
  • Bild 15 von 20. Felicita Felley en la tribuna reconstruida da Zarli Carigiet. Bildquelle: RTR.
    Person in schwarzem Oberteil hinter Vorhängen in einem Raum.
  • Bild 16 von 20. Quest pullover original nizzegiava Zarli Carigiet. Bildquelle: RTR.
    Rote Strickjacke hängt an einer Wand mit rauer Textur.
  • Bild 17 von 20. In artitgel sur da la tribuna da Zarli Carigiet. Bildquelle: RTR.
    Alte Zeitschrift mit mehreren Schwarzweissfotos und Text über ein Thema.
  • Bild 18 von 20. In artitgel sur da la tribuna da Zarli Carigiet. Bildquelle: RTR.
    Eine Zeitschriftenseite mit Fotos von Menschen und Text.
  • Bild 19 von 20. Las duas curaturas Esther Spycher (da san.), Felicita Felley e la cunresponsabla per il festival da tribuna Dapertut, Paula Nay. Bildquelle: RTR.
    Drei Personen stehen vor einem grünen Vorhang in einem Raum.
  • Bild 20 von 20. Paula Nay ch'organisescha il festival da tribuna Dapertut dasper las tribunas moviblas che vegnan nizzegiadas en divers lieus a Trun durant il festival. Bildquelle: RTR.
    Person neben gestapelten bunten Blöcken in einem Raum mit Steinwänden.
Returnar al cumenzament da la gallaria da maletgs.

Cor da l'exposiziun è ina tribuna per ina persuna reconstruida, sin la quala Carigiet è sa preschentà cun ses programs da solo. L'exposiziun mussa tant l'artist celebrà sco era l'uman privat ch'è adina puspè stà accumpagnà da dubis da sasez.

Pictur, actur, chantadur

Avrir la box Serrar la box

Balthasar Anton, uschia il num da batten da Zarli Carigiet, è naschì il 1907 a Trun. El è in dals pli impurtants acturs populars e cabarettists svizzers dal 20avel tschientaner. Sco giuven è el ì a star a Turitg, nua ch'el ha lavurà sco pictur da decoraziun ed assistent da ses frar, il pictur-artist Alois Carigiet (1902-1985).

Sias emprimas experientschas sco actur ha Zarli dentant gia fatg baud, per exempel cun ina rolla secundara en il film «Die Entstehung der Eidgenossenschaft» dal 1924. Propi enconuschent en Svizra è el daventà ils onns 1930 sco actur-chantadur dal Cabaret Cornichon e pli tard dal Cabaret Féderal. A partir dal 1955 è el lura sa preschentà cun sia tribuna per ina persuna.

Durant tut quest temp ha Zarli adina puspè gì rollas en films, sco per exempel en «Hinter den sieben Gleisen» (1959) u «Wilhelm Tell» (1960).

Zarli è stà maridà duas giadas. Cun sia segunda dunna Doris ha el gì dus uffants. Zarli è mort il 1981 a Männedorf en la vegliadetgna da 73 onns.

Nov festival cultural

La fin d'avust suonda cun «Dapertut» in nov festival da tribuna. Dals 28 fin ils 30 d'avust preschenta Trun Cultura per l'emprima giada in program sur las spartas cun musica, teater, litteratura ed ulteriuras furmas d'art da tribuna.

Curatà il festival ha la scenografa Moni Wespi. Sin il program stattan tranter auter Mattiu, Flurin Caviezel, Quirina Lechmann e Corin Curschellas. Cun il nov festival vul Trun Cultura purtar la diversitad da l'art da tribuna a Trun e stgaffir in lieu d'inscunter per artists e public.

RTR actualitad 12:00

Artitgels legids il pli savens

Menu

Tschertga

Navigaziun principala

Enquista en Modal

(Vegn avert en ina nova fanestra.)