La regenza da Tavau è puspè cumpletta. Quai scriva la vischnanca da Tavau. Il nov elegì Walter von Ballmoos surpiglia il departament «furmaziun e fatgs socials». Quel cumpiglia la cumpetenza davart la scola populara, la scola professiunala e la scola da musica sco er il servetsch social. Vinavant vegn Walter von Ballmoos a far part al cussegl da scola e da fundaziun da la scola media alpina sco era dal gimnasi da sport a Tavau. El presidiescha da nov medemamain per la cumissiun da giuventetgna.
Suenter la demissiun dad Iris Hoffmann-Stiffler il zercladur 2023 aveva il «Kleine Landrat» dividì ils secturs da fatschenta dal departament «furmaziun e fatgs socials». Cun l'empermischun d'uffizi da von Ballmoos è questa soluziun transitorica terminada.
