La lescha da planisaziun da territori dal 2013 porta grondas sfidas a las vischnancas. Il cussegl cirquital da Tavau ha infurmà davart la realisaziun da quella. Cun ina zona da planisaziun po la vischnanca evitar ch'i dat bajetgs u projects che cuntrafan a la planisaziun da territori ed il futur plan directiv da la vischnanca.
La planisaziun dal territori pretenda da proteger surfatschas libras d'agricultura. I haja gia dà pliras dumondas da bajegiar che cuntrafetschian a la lescha ed al plan directiv futur, di il Cussegl cirquital.
Da relaschar ina zona da planisaziun saja ina procedura usitada avant revisiuns cumplettas. I na saja betg in scumond immediat da construcziun. Projects che na cuntrafan betg a la planisaziun dal futur vegnan vinavant lubids.
Bainprest possia la vischnanca relaschar in nov plan directiv local ch'è part da la revisiun cumpletta da la planisaziun locala.
