Siglir tar il cuntegn

Header

audio
Teater Cuira: il nov toc «Sonnensturm»
Or da Actualitad dals 13.01.2024. Maletg: RTR
laschar ir. Durada: 4 minutas 13 Secundas.
cuntegn

Teater Cuira «Nus vulessan far in viadi cun il public»

Il collectiv da teater Nucleus festivescha ils 17 da schaner la premiera da ses nov toc Sonnensturm, che s'occupa dal potenzial dal sulegl che serva a la vita – ma che po d'ina autra vart er esser catastrofal.

Il collectiv da teater Nucleus raquinta en ses nov toc «Sonnensturm» davart il process da furmaziun dal sulegl e perscrutescha il fenomen da las burascas dal sulegl. Per quai accumpognan els en lur preschentaziun il Solar Orbiter da l'organisaziun spaziala europeica ESA durant ses viadi en direcziun dal sulegl. Quai na duai però betg dar ina excursiun mo scientifica, mabain stimular bler dapli a moda umoristica e divertenta las mirveglias dal public per quest tema.

8 Mitglieder des Theaterkollektivs Nucleus in bunten Kostümen und mit einigen verrückten Requisiten.
Legenda: Il collectiv da teater Nucleus durant in'emprova cun intginas requisitas. Nicolas Müller, Dina Sennhauser, Daphne Karstens, Andri Perl, Astrid Alexandre, Rodrigo Cortes Guadarrama (davos, da sanester a dretg). Davant: Lukas Kubik, Kirill Tscheluchin RTR

Per preschentar las infurmaziuns multifaras davart il sulegl, ha il collectiv da teater Nucleus creà costums extraordinaris da tuttas colurs e differents requisits. I vegn a dar elements da teater, installaziuns, performanza e saut. Supplementar vegn il toc sutsegnà musicalmain dad Astrid Alexandre, ina chantadura e cumponista cun ragischs rumantschas, che producescha live tuns atmosferics sin tribuna.

«Sonnensturm» è adattà per tuts ch'han gust da giudair in teater varià – ed ultra da quai er anc d’emprender insatge davart ils differents potenzials dal sulegl.

RTR Ura culturada 11:00

Artitgels legids il pli savens