Al tir champester federal da quest onn han dus tiradurs grischuns sajettà il resultat maximal. Quai scriva la federaziun Grischuna dal Sport da Tir.
Cun la buis d'assagl sur 300 meters ha Qendrim Gashi da Panaduz sajettà 72 puncts. Nov ulteriurs tiradurs e tiraduras grischunas han manchentà il maximum be per in punct.
Cun la pistola sur 25 meters è il maximum da 180 puncts reussì a Rico Duff da Segnas. Bunamain reussì è quai a Damaris Kruse da Tavau. La giuvna da 18 onns ha sajettà 179 puncts. La mesadad dals tiradurs e da las tiraduras da pistola han sajettà avunda puncts per survegnir in cranz.
-
Bild 1 von 2. Cun la pistola sur 25 meters è il maximum da 180 puncts reussì a Rico Duff da Segnas. Bildquelle: federaziun Grischuna dal Sport da Tir.
-
Bild 2 von 2. Cun la buis d'assagl sur 300 meters ha Qendrim Gashi da Panaduz sajettà 72 puncts. Bildquelle: federaziun Grischuna dal Sport da Tir.
Il tir champester federal è la pli gronda festa da tir dal mund. Ils davos onns èn passa 100'000 persunas stadas da la partida. En il Grischun èn passa 2'000 tiraduras e tiradurs sa participads questa fin d'emna cun la buis d'ordonanza e passa 900 tiraduras e tiradurs han sajettà cun pistola.
Or da l'archiv: