- Avant il tunnel dal Gottard ed Airolo en direcziun nord hai 1 kilometer colonna, ins perda fin a 10 minutas.
Traffic durant Ascensiun
Cunzunt il portal dal nord dal tunnel dal Gotthard, l'A2, e l'autostrada A13 sur il San Bernardino èn per part surchargiadas. Cunquai ch'i n'ha betg dà sur ils dis da Pasca in record da traffic envers sid, quinta Viasuisse quest onn ch'il traffic durant l'Ascensiun vegnia ad esser sumegliants sco l'onn passà. Tenor Viasuisse dependia il traffic sur il San Bernardino adina da quel atras il Gotthard. Cunzunt la mesemna a partir da mezdi e la gievgia èsi da quintar cun bler traffic e colonnas.
Il return a chasa cumenza lura la sonda. La gronda part turna dentant la dumengia. L'onn passa avevi la dumengia colonnas d'enfin 15 kilometers avant il Gotthard la dumengia. Quai che munta ad in temp da spetga d'enfin trais uras.
Er las Viafiers federalas svizras porschan puspè trens supplementars en il Tessin. En tut èn quai 30 trens en omaduas direcziuns. Sco la SBB ha dentant communitgà sajan era quels trens fullanads ed ins duai gia s'infurmar e reservar sche pussibel ordavant in plaz.
Mesiras per rutas d'untgir en il Grischun
Cunquai che las mesiras durant Pasca èn sa cumprovadas vegnan questas era en funcziun durant ils dis d'Ascensiun. Tenor l'Uffizi da construcziun bassa be cun ina pitschna midada: sin la via chantunala sin autezza da Giuvaulta da Cazas envers Razén datti ina ampla per ch'il traffic possia vegnir dosà meglier.
En general sajan las vias envers sid durant ils dis da Pasca il pli frequentadas, durant Tschuncaisma in zic pli pauc e durant l'Ascensiun en relaziun il pli pauc.
Qua vai tar la situaziun actuala da las vias e dal traffic.