Siglir tar il cuntegn

Header

Tren regiunal TILO.
Legenda: Er il viadi cun ils trens regiunals da Bellinzona a Lugano è uss pli curt. Keystone
cuntegn

Traffic public Per viadis en il Tessin vala in nov urari

Il Tessin ha a partir dad oz, ils 5 d'avrigl, in cumplettamain nov urari da traffic public. La raschun è ch'il tunnel dal Ceneri po vegnir mess en funcziun cumplettamain, suenter che er dus projects laterals èn vegnids terminads.

Midadas datti surtut en il traffic regiunal. Uschia cursescha il TILO RE 80 da nov da Locarno fin a Milano Centralo cun fermada a Lugano ed a Chiasso. Mintga mes'ura cursescha quest tren tranter Locarno e Chiasso e mintg'ura va quel fin a Milano.

In quart d'ura pli svelt

La S10/S50 che dovra uss 15 minutas damain per il viadi dal Sottoceneri a Bellinzona va da nov tras il tunnel da basa dal Ceneri. Per ir a Rivera-Bironico, Mezzovico, Taverne-Torricella e Lamone-Cadempino èsi perquai uss da prender la S90 che cursescha mintga mes'ura.

Cun la midada d'urari en il Tessin datti er meglras colliaziuns cun AutoDaPosta davent dal Grischun a Bellinzona e vinavant vers il sid dal Tessin e l'Italia:

Dapi ils 13 da december valeva en il Tessin in urari transitoric. La raschun che l'urari vegn adattà en etappas èn retards tar dus plazzals laterals dal nov tunnel da basa dal Ceneri: Tant il traject tranter Riazzino e Tenero sin la lingia da Bellinzona a Locarno sco er il tunnel a Lugano Paradiso avessan gì dad esser a fin sin l'avertura dal tunnel da basa dal Ceneri l'ultim december.

Ord l'archiv da 10vor10:

video
Il tunnel dal Ceneri curt avant l'avertura
Or da 10 vor 10 dals 28.08.2020.
laschar ir

RTR novitads 09:00

Artitgels legids il pli savens

Scrollar a sanestra Scrollar a dretga